NLP語言學習法-英語概覽篇

喺呢十年分享身心語言程式學期間，曾唔只一次收到查詢，問有咩語言課程。好奇問返佢點解會覺得我地係教語言嘅，標準答案都話中心有「語言」兩隻字。

身心語言程式學其實係由身心學，語言學以及程式學構成。當中嘅語言學，主要係拆解自然語言嘅結構，從而破解有效嘅溝通及說服方式。當中嘅技術，適用於任何人類所使用嘅自然語言。

最近有朋友提起想讀返好啲英文，話睇過 YouTube 教學片同教科書，但就睇唔明。明嘅，YouTube 教學片雖然係多，但最大弊病係冇系統，只會越睇越亂。教科書就弊在泵波鐘，悶死人，作為成人，一啲都唔建議。

喺每一屆 NLP 教練及執行師證書課程，包括最新嘅 NLP 全線上課程，我都有分享學習語言嘅技巧，配合 NLP，就可以好有效去掌握一套語言嘅文化規則、發音以及常用字彙。無論喺法文、葡文同日文，我都係用同一套方法學返嚟。

之前有就日文嘅學習經歷，製作過「NLP語言學習法-日語篇」。而入面提到嘅學習技巧，同樣可以套用去掌握英文。於是乎做咗一輪搜集同準備，就籌備咗呢套共７小時嘅英文學習教程。

如果你覺得你英語能力或者運用英語既信心，有初中，甚至只有小學程度，又或者可以用簡單嘅英文同印傭或菲傭姐姐溝通到，呢個課程會啱你。

打響頭炮嘅第一部：NLP 語言學習法-英語概覽篇，除咗用 NLP 嘅方法帶你有效認識英文嘅文法、字彙及發音三大範疇，當然唔少得介紹 NLP 嘅溝通及說服技巧，點樣用英文運用出嚟！

袋住呢種認識，係及後嘅提高篇，就會再帶大家同樣用最有效嘅方式，一次認識英文中好有特色嘅「時態」，當然唔少得嘅係掌握 NLP 句式係英文之中嘅運用啦！

無論你係想英文再出發又好，砍掉重練又好，推倒重來都好，希望呢個課程能夠助你一把，學好英文，順便掌握高效嘅溝通同說服方式。